ʹn Ondersoek na die gebruik van biokool as ‘n grondbehandelingsmiddel om plantegroei te bevorder

Investigating the use of biochar as a soil conditioner to enhance plant growth

Abstract

Wêreldwye landbouproduksie het aansienlik gegroei in die afgelope paar dekades as gevolg van die groeiende wêreldbevolking. Kunsmis het ʹn belangrike rol in hierdie toename gespeel, maar die oorbenutting daarvan het nadelige omgewingsgevolge. Biokool, gemaak deur die termochemiese ontbinding van organiese materiaal in ʹn chemiese onaktiewe atmosfeer, is as ʹn moontlike oplossing voorgestel. Biokool het ʹn goeie poriestruktuur, met ʹn groot oppervlakte en adsorpsiekapasiteit wat dit nuttig maak in toepassings soos koolstofsekwestrasie en grondverbetering. Hierdie studie ondersoek die potensiaal van biokool om plantegroei te verbeter.