Die effek van varroa-mietinfestasies op die spermfunksionaliteit van die Suid- Afrikaanse Kaapse heuningby

The effect of varroa mite infestations on the sperm functionality of the South African Cape honeybee

Abstract

Heuningbye (Apis mellifera spesies) is noodsaaklike bestuiwers van belangrike gewasse wat deel van die menslike voedselketting asook dié van alle lewende organismes vorm. Die welstand en oorlewing van die ekosisteem in geheel, asook mens en dier, is dus van hierdie spesie se voortbestaan afhanklik. Gevolglik is voortplantingsukses ’n vereiste vir die volhoubaarheid van heuningbybevolkings. Suksesvolle voortplanting word bepaal deur die reproduktiewe gesondheid van die koninginby, asook die spermgehalte van die mannetjiesby.