’n Tegniese ontleding van verseping op Alexis Preller (1911–1975) olieverfskilderye
A technical analysis of saponification in the oil paintings of Alexis Preller (1911–1975)
Abstract
Die doel van hierdie navorsing is om te ondersoek of saponifikasie agteruitgang in die skilderye van Alexis Preller (1911–1975) veroorsaak. Saponifikasie is ’n chemiese proses wat die vorming van metaalsepe behels, wat ’n rol gespeel het in die agteruitgang van verskeie 20ste-eeuse olieverfskilderye. Deur ’n begrip te verkry van die materiale wat deur die kunstenaar gebruik is, en ook omgewings- en verouderingsomstandighede in ag te neem, is die doel om die ingewikkelde verhouding tussen hierdie faktore en die manifestasie van metaalsepe, veral dié afkomstig van lood- en sinkpigmente, te ontrafel. Saponifikasie blyk ’n potensiële katalisator te wees vir verskeie vorme van agteruitgang, waar metaalsepe op die oppervlak van die kunswerke migreer en uittree. Hierdie vorme van agteruitgang sluit afbladdering, krake, verkleuring, tekstuurveranderinge, effloresensie, pigmentverlies en ’n toename in deursigtigheid in.
