’n Wolf in skaapsklere: Die teenwoordigheid van virulensie gene in Suid- Afrikaanse Trichoderma stamme
A wolf in sheep’s clothing: The presence of virulence genes in South African Trichoderma strains
Abstract
Die genus Trichoderma is ’n filamentagtige swam wat algemeen in verskillende ekologiese nisse, soos mariene- en grondomgewings, sowel as in assosiasie met plantwortels (Pfordt et al. 2020) voorkom. Talle lede van Trichoderma word kommersieël in die landbousektor gebruik as biobeheermiddels, onder andere Trichoderma asperellum, Trichoderma harzianum en Trichoderma viride (Du Plessis et al. 2018). Trichoderma-biobeheer bekamp plantpatogene deur siektes in plante te onderdruk, mikoparasities te wees, suksesvol vir voedsel te kan meeding, asook die groei van verskeie gewasse te stimuleer (Pfordt et al. 2020).
