Die termoregulerende funksie van die bek en veerlose velareas van ou-wêreldse aasvoëls

The thermoregulatory function of the beak and bare skin areas of Old World vultures

Abstract

Hitteverlies deur gevaskulariseerde en ongeïsoleerde areas, genaamd termiese vensters, is ’n belangrike termoreguleringsmeganisme by voëls. Voëls reguleer aktief hitte-uitruiling oor die bek wanneer lugtemperatuur (T_lug) liggaamstemperatuur benader deur bloedvloei na die bek te verhoog, wat lei tot ‘n toename in die bek se oppervlaktemperatuur (T_bek). Die gevolglike temperatuurgradiënt tussen die voël se bek en die omringende omgewing fasiliteer passiewe hittevrystelling.